हात्तीको आक्रमणबाट झापामा एक वृद्धको मृत्यु

Surya Baral

 |  प्रकासित मिति : १२ माघ २०७८, बुधबार ०३:४९

झापा/झापाको दमक–३ दुम्सेमा जङ्गली हात्तीको आक्रमणबाट गए राति एक वृद्धको मृत्यु भएको छ । दमक–३ गोलाटारका ६२ वर्षीय गणेश अधिकारीको जङ्गली हात्तीको आक्रमणबाट मृत्यु भएको हो ।
मकै लगाएको खेतमा पानी हाल्न कुलोमा गएका बेला अधिकारीलाई हात्तीले आक्रमण गरेको वडाध्यक्ष नवीन बरालले बताउनुभयो । आक्रमणबाट उनको घटनास्थलमै मृत्यु भएको थियो । दुम्से बस्ती हात्ती प्रभावित क्षेत्र मानिन्छ ।