२३ लाख ४० हजार मोडर्ना खोप आज नेपाल आउँदै

Surya Baral

 |  प्रकासित मिति : ११ माघ २०७८, मंगलवार ०३:२१

काठमाण्डौं/थप २३ लाख ४० हजार मात्रा कोरोनाविरुद्धको मोडर्ना खोप आज नेपाल आउँदैछ ।
खोप आज बिहान कतार एयरबाट नेपाल आइपुग्ने छ । यसअघि हिजो पनि १६ लाख ६० हजार मात्रा मोर्डना खोप नेपाल आएको थियो । यो खोप सरकारले विश्व बैङ्कको सहयोगमा खरिद गरेको स्वास्थ्य सेवा विभाग अन्तर्गतको व्यवस्थापन महाशाखाका आपूर्ति शाखा प्रमुख सुरेन्द्र चौरसियाले सीआईएनसँग बताउनुभयो ।

सरकारले आफैं खरिद गर्नेगरी सम्झौता गरेको खोपका लागि आवयक २ करोड ४ लाख सिरिञ्ज अर्थात सुइ मध्ये ५० लाख नेपाल आइसकेको पनि चौरसियाले बताउनुभयो ।
यसअघि आएको मोडर्ना खोप सरकारले हिमाली तथा पहाडी क्षेत्रका बालबालिकालाई लगाएको थियो । अहिले आउने मोडर्ना खोप कसलाई लगाउने भन्ने निर्णय भइसकेको छैन ।