एसइई परीक्षा प्रदेश सरकारले गर्ने तयारी
Surya Baral
काठमाडौं/कक्षा १० को अन्तिम परीक्षा एसइई प्रदेश सरकारले गर्ने तयारी भइरहेको छ । कोरोना महामारीका कारण विगत दुई वर्षदेखि एसइई सञ्चालन तथा व्यवस्थापन विद्यालयले नै गर्दै आएकोमा यसपटकको परीक्षा सञ्चालन तथा व्यवस्थापन प्रदेश सरकारले गर्ने गरी राष्टिय परीक्षा बोर्डले तयारी अघि बढाएको हो ।
यस वर्षको एसइई परीक्षा वैशाखमा गर्ने प्रदेश सरकारको सहकार्यमा बोर्डले तयारी अघि बढाएको बोर्डका अध्यक्ष डा. महाश्रम शर्माले बताउनुभयो।
उहाँले संविधानले नै विद्यालय शिक्षा स्थानीय सरकारको अधिकारमा दिएको बताउँदै यसपटकको एसइई परीक्षा सञ्चालन र व्यवस्थापन जिम्मेवारी प्रदेश सरकारलाई दिने बोर्डले तय गरेको बताउनुभयो ।
