गहुँ खेतमा खरानी फाल्न गएकी महिलाको घाँटी रेटी हत्या

Surya Baral

 |  प्रकासित मिति : १२ पुस २०७८, सोमबार ०६:०२

सप्तरी/सप्तरीको छिन्नमस्ता गाउँपालिका वडा नम्बर १ बरही वीरपुरमा गहुँ खेतमा खरानी फाल्न गएकी एक महिला मृत भेटिएकी छिन् ।

हिजो बेलुका घरबाट खरानी लिएर खेतमा फाल्न गएकी ५२ वर्षीया भुटनिदेवी यादव हत्या गरिएको अवस्थामा भेटिएकी हो । यादव राति अबेरसम्म नफर्किए पछि उहाँको खोजी गरिएको थियो ।

बिहान हत्या गरिएको अवस्थामा शव भेटिएको जिल्ला प्रहरी कार्यालय सप्तरीले जनाएको छ । घटनास्थलमा तीन वटा बियरको बोतल समेत भेटिएको छ । तीन वटामध्ये दुईवटा बोतल फुटेको छ । यादवले नाकमा लगाएको फूलीसहित अन्य गरगहना पनि लुटिएको पीडित परिवारले बताएका छन् ।

प्रहरीले घटनाको अनुसन्धान भइरहेको जनाएको छ ।