आज देशका धेरै ठाउँको मौसम आंशिकदेखि सामान्य बद्ली

Surya Baral

 |  प्रकासित मिति : ११ पुस २०७८, आईतवार ०२:२८

काठमाण्डौ/आज देशका धेरै ठाउँको मौसम आंशिकदेखि सामान्य बद्ली हुने मौसमविद्ले बताएका छन् ।
पहाडी क्षेत्रका केही ठाउँमा हल्का पानी पर्ने छ। यस्तै, हिमाली र उच्च पहाडी क्षेत्रमा हिमपातको सम्भावना छ ।

आज राति पश्चिमी क्षेत्रमा पानी पर्ने उहाँले बताउनुभयो । सुदूरपश्चिम र कर्णाली प्रदेशका केही ठाउँमा राति पानी पर्ने उहाँले बताउनुभयो । यस्तै, भोलि पनि देशभरको मौसम यस्तै रहने छ । आज काठमाण्डौमा फाट्टफुट्ट मात्रै पानी पर्ने सम्भावना रहेको मौसमविद् सजिना शाक्यले जानकारी दिनुभयो।

मौसम बद्ली भइ हिमपात र वर्षाको सम्भावना रहेकाले यो हप्तामा चिसो अझ बढ्ने छ । पश्चिमी वायुको प्रभावका कारण यो हप्ताभरिकै मौसम आंशिकदेखि पूर्ण बद्ली हुने सम्भावना छ ।