आज सर्वदलीय बैठक बस्दै

Surya Baral

 |  प्रकासित मिति : ४ पुस २०७८, आईतवार ०३:२६

काठमाण्र्डौं/प्रधानमन्त्री शेरबहादुर देउवाले आजका लागि सर्वदलीय बैठक बोलाउनु भएको छ । सङ्घीय संसदमा जारी अवरोध हटाउन तथा एमसीसी परियोजना बारे छलफल गर्न अपरान्ह ४ बजेका लागि सर्वदलीय बैठक बोलाइएको छ ।

बैठकमा एमसीसी परियोजना बारे छलफल गर्न संसदमा प्रस्ताव लैजाने विषयमा छलफल हुने छ भने संसदको गतिरोध हटाउने बारेमा पनि छलफल गरिने प्रधानमन्त्रीको निजी सचिवालयले जनाएको छ ।
अमेरिकासँग गरिएको एमसीसी सम्झौता छलफलका लागि संघीय संसदमा प्रस्ताव दर्ता भए पनि सत्तारुढ दलहरूबीच नै एकमत नहुँदा अगाडि बढ्न सकेको छैन । सर्वदलीय बैठक बस्नुअघि सत्तापक्षिय दलहरूको बैठक बस्ने तयारी पनि भएको छ ।