खैरो हेरोइनसहित हेटौंडा रातोमाटेबाट २ जना पक्राउ

Surya Baral

 |  प्रकासित मिति : १२ मंसिर २०७८, आईतवार ११:०७

चितवन/प्रहरीले लागुऔषध खैरो हेरोइनसहित मकवानपुरको हेटौंडा उपमहानगरपालिका–१५ रातोमाटेबाट २ जनालाई पक्राउ गरेको छ । पक्राउ पर्नेहरुमा चितवनको राप्ती नगरपालिका– घर भएका ४२ वर्षीय तेजबहादुर गुरुङ र खुरखुरे घर भएका २९ वर्षीय अनमोल लामा छन् ।
उनीहरुको साथबाट ८ ग्राम खैरो हेरोइन बरामद गरिएको जिल्ला प्रहरी कार्यालय मकवानपुरले जनाएको छ । सिमराबाट हेटौंडातर्फ आउँदै गरेको बागमती प्रदेश–०३–००२ प १९०२ नम्बरको मोटरसाइकललाई चेकजाँच गर्दा उनीहरुको साथमा लागु औषध फेला परेको थियो । प्लाष्टिकको पोकामा लुकाएको सो खैरो हेरोइनसहित पक्राउ गरेर उनीहरुमाथि अनुसन्धान शुरु गरिएको प्रहरीले जनाएको छ ।