मुगुको सदरमुकाममा आगलागी हुँदा २१ वटा घर जलेर नष्ट

Surya Baral

 |  प्रकासित मिति : ३० कार्तिक २०७८, मंगलवार ०२:०६

मुगु/मुगुको सदरमुकाम गमगढीमा भीषण आगलागी हुँदा २१ वटा घर जलेर पूर्ण नष्ट भएको छ । ।
गमगढीमा राति साढे १२ बजेदेखि लागेको आगो अहिले फैलनबाट रोके पनि पूरै आगो निभिनसकेको प्रमुख जिल्ला अधिकारी रोमबहादुर महतले जानकारी दिनुभयो ।
उहाँकाअनुसार साँघुरो र बाक्लो बजारका कारण धेरै नोक्सानी भएको छ।
अहिले पनि सेना, प्रहरी र स्थानीय बासिन्दाको सहयोगमा आगो निभाउने काम भइरहेको छ । आगोलाई फैलिनबाट रोक्न बीचमा रहेका घरलाई भत्काएर ठाउँ खाली गर्न थालिएको उहाँले बताउनुभयो । क्षतिको पूर्ण विवरण आइसकेको छैन ।