देशभर सामान्य बदली, गण्डकी प्रदेशका हिमाली भू–भागमा हिमपातको सम्भावना

Surya Baral

 |  प्रकासित मिति : २८ कार्तिक २०७८, आईतवार ०२:०७

पोखरा/आज देशभरको मौसम सामान्यता सफा रहनेछ।
प्रदेश १ का पहाडी भू-भागहरुमा आंशिकदेखि सामान्य बदली र अन्य प्रदेशका पहाडी भू-भागहरुमा आंशिक बदली रही बाँकी भू-भागहरुमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ।
त्यस्तै, राती देशका प्रदेश १, गण्डकी प्रदेश र सुदूरपश्चिम प्रदेशका पहाडी भू–भागहरुमा आंशिकदेखि सामान्य बदली तथा अन्य प्रदेशका पहाडी भू–भागहरुमा आंशिक बदली रही बाँकी भू–भागहरुमा मौसम सफा रहने छ।

गण्डकी प्रदेशका हिमाली भू–भागका एक दुई स्थानमा हल्का हिमपातको सम्भावाना रहेको महाशाखाको भनाइ छ । साथै,वायुको अधिकतम र न्यूनतम तापक्रम घट्ने क्रममा रहेकाले चिसोबाट बच्न सामान्य सतर्कता अपनाउनु हुनसमेत महाशाखाले अनुरोध गरेको छ ।