१ सय २२ केजी गाँजासहित मनहरिबाट एक जना पक्राउ
Surya Baral
मकवानपुर/मकवानपुरको मनहरिबाट १ सय २२ केजी लागूऔषध गाँजासहित एक जनालाई पप्रहरीले क्राउ गरेको छ ।
आज बिहान शङ्कास्पद रुपमा गाँजा लिएर निकासी गर्न लागेको अवस्थामा मकवानपुर राक्सिराङ गाउँपालिका–२ का ४२ वर्षीय नरबहादुर मुक्तानलाई १२२ केजी गाँजासहित मनहरि गाउँपालिका–९ जयसिंह सडक खण्डबाट पक्राउ गरिएको हो ।
मुक्तानलाई सोधपुछ गर्दा शङ्कास्पद सामानको सुरक्षा गरिरहेको बुझिएपछि नियन्त्रणमा लिइ सामान जाँच गर्दा १२२ किलो गाँजा फेला परेको मकवानपुरका प्रहरी प्रवक्ता प्रहरी नायब उपरीक्षक जयश्वर रिमाल जानकारी दिनुभयो।
पक्राउ परेका मुक्तानलाई गाँजासहित नियन्त्रणमा लिइ थप अनुसन्धान प्रक्रिया अगाडि बढाइएको प्रवक्ता रिमालले बताउनुभयो
