भीमबहादुर हत्याका दोषीलाई कारबाही गर्न गृहमन्त्रीको ध्यानाकर्षण

Surya Baral

 |  प्रकासित मिति : ६ कार्तिक २०७८, शनिबार ०६:२७

कार्तिक ५, काठमाडाैं — सत्तारुढ गठबन्धन सम्बद्ध दलित राजनीतिक भातृ संघसंगठनहरुले चितवनका भीमबहादुर विकको हत्यामा संलग्न दोषीहरुलाई कडा कारबाहीको माग गर्दै गृहमन्त्रीलाई ज्ञापन पत्र बुझाउँदै ध्यानाकर्षण गराएका छन् । उनीहरुले विकको परिवारलाई न्यायपूर्ण क्षतिपूर्ति, पालनपोषण र रोजगारीको सुनिश्चितता गर्न समेत माग गरेका छन् । 

नेपाल दलित संघका अध्यक्ष मीन विश्वकर्मा, दलित मुक्ति मोर्चाका संयोजक दलजीत श्रीपाइली, दलित मुक्ति संगठनका अध्यक्ष गणेश विश्वकर्मा, समाजवादी दलित मुक्ति संगठनका उपमहासचिव सन्तोष घतानी र जातीय समता समाजका महासचिव भक्त विश्वकर्माद्वारा संयुक्त हस्ताक्षरित ज्ञापन पत्र बुझाउँदै उनीहरुले विश्वकर्माको हत्याको मूल जरिया जातीय छुवाछुत र भेदभाव नै भएको भन्दै मुद्दा चलाउँदा जातीय छुवाछुत र भेदभाव ऐन, ०६८ बमोजिम चलाउनुपर्ने माग गरेका छन् ।