पछिल्लो २४ घण्टामा ५ सय ४५ जनामा कोरोना पुष्टि

Surya Baral

 |  प्रकासित मिति : ४ कार्तिक २०७८, बिहीबार ११:३०

काठमाण्डौ/पछिल्लो २४ घण्टामा देशभर पाँच सय ४५ जनामा कोरोना भाइरसको सङ्क्रमण पुष्टि भएको छ । आठ हजार पाँच सय ४९ जनाको नमुना परीक्षण गर्दा पाँच सय ४५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
आज थपिएकासहित नेपालमा पीसीआर विधिबाट गरिएको परीक्षणमा आठ लाख सात हजार पाँच सय २२ जना र एन्टिजेन विधिबाट गरिएको परीक्षणमा ९३ हजार सात सय ७१ जनामा सङ्क्रमण पुष्टि भएको छ ।

यस्तै पछिल्लो २४ घण्टामा सात सय २६ जना निको भएसँगै कोरोना सङ्क्रमणमुक्त हुनेको सङ्ख्या सात लाख ८४ हजार आठ सय ८१ पुगेको छ ।

यही अवधिमा आठ जनाको कोरोना भाइरस सङ्क्रमणका मृत्यु भएको छ। योसहित मृत्यु हुनेको सङ्ख्या ११ हजार तीन सय २६ पुगेको छ ।