अमेरिकी दूतावास अगाडि युवाहरूको साहसीक प्रदर्शन,एमसीसीविरुद्धचर्को नाराबाजी।
Surya Baral
१८ भदौ, काठमाडौं/अमेरिकी सहयोग परियोजना एमसीसी खारेजको माग गर्दै काठमाडौंस्थित अमेरिकी दूतावास अगाडि केही साहासिक युवाहरुले चर्को नाराबाजी सहित प्रदर्शन गरेका छन् । प्रदर्शनमा उत्रिएका युवाहरूलाई लगत्तै प्रहरीले नियन्त्रणमा लिएको थियो। ‘एमसीसी खारेज राष्ट्रिय अभियान’को तर्फबाट युवाहरुले प्रदर्शन गरेका हुन।
अभियानका संयोजक निर्ग जैसी (नवीन) सहित १० जनालाई प्रहरीले नियन्त्रणमा लिएर महाराजगञ्जमा राखेको प्रहरीले जानकारी दिएको छ।प्रहरीका अनुसार पक्राउ पर्नेहरुमा जैसीसहित टेकम बिसी, मोहमद नसिर, दुर्गा जोशी, केदार थामी, सुशील नेपाली जनक ढुंगाना, सम्राट थापा, कुलदीप शर्मा र सुरज तामाङ।
जैसी माओवादी केन्द्र सम्बद्ध अखिल क्रान्तिकारीका केन्द्रीय सदस्यसमेत हुन । उनले आफ्नो नेतृत्वमा एक हजार एक जनाको ‘एमसीसी खारेज राष्ट्रिय अभियान’ गठन गरेको यश अघि नै जानकारी दिएका छन् ।
