गोरखाको मनकामना मन्दिर खुल्ला गर्ने तयारी

Surya Baral

 |  प्रकासित मिति : १७ भाद्र २०७८, बिहीबार ११:००

गोरखा/ शहिदलखन गाउँपालिका–२ मनकामनामा अवस्थित प्रसिद्ध धार्मीक स्थल मनकामना मन्दिर खुल्ला गर्ने तयारी गरिएको छ।

आज बिहिवार जिल्ला प्रशासन कार्यालय गोरखामा बसेको कोभिड १९ संकट ब्यवस्थापन केन्द्र (डिसिसिएमसी) को बैठकले पाँच महिनादेखि बन्द मन्दिर खुल्ला गर्न तयारी गर्ने निर्णय गरेको हो ।
‘मनकामना मन्दिरमा कसरी पुजा ब्यवस्थापन गर्न सकिन्छ भन्ने बारेमा वडाका जनप्रतिनिधी, क्षेत्र बिकास समितिका पदाधिकारी सँग योजना माग गर्ने निर्णय भएको छ । ‘हामीले योजना माग गर्छौँ र त्यसैको आधारमा प्रशासनले निर्णय गर्छ’ निमित्त प्रमुख जिल्ला अधिकारी कमलराज भण्डारीले भन्नुभयो ।
स्थानीय ब्यापारी ब्यवशायीले मन्दिर खोल्न दबाव दिँदै आएका छन् । मन्दिर खोलेपछि मनकामना केबलकार पनि संचालन हुने र स्थानीयको दैनिकी सहज हुने उनीहरुले बताएका छन् ।