चितवनमा सङ्क्रमितको अन्त्येष्टि आजदेखि निःशुल्क हुने

Surya Baral

 |  प्रकासित मिति : ६ जेष्ठ २०७८, बिहीबार ०७:०१

चितवन,जेठ ०६ ।  चितवनमा कोभिड सङ्क्रमण भई मृत्यु भएकाहरुको अन्त्येष्टि निःशुल्क हुने भएको छ । दाहसंस्कारमा चर्को शुल्क तिर्नु परेको गुनासो आएपछि भरतपुर महानगरपालिकाको अगुवाइमा सरोकारवालहरुको बैठकले सङ्क्रमितको अन्त्येष्टि निःशुल्क गर्ने निर्णय गरेको हो ।भरतपुर महानगरपालिकाका प्रमुख रेनु दाहालले शव वाहन, खाल्डो खन्ने जेसिबी, शव जलाउने दाउरा महानगरले व्यहोर्ने गरी निर्णय भएको बताउनुभयो । लायन्स क्लब इन्टरनेशनल ३२५ बीटु नेपालले उपलब्ध गराएको शव वाहन पनि प्रयोगमा ल्याईने छ । देवघाट क्षेत्र विकास समितिबाट महानगरपालिकाले खरिद गरेको दाउराले अपुग हुने शवका लागि स्थानीय सामुदायिक वनहरुले दाउरा सहयोग गर्ने भएका छन् नेपाली सेनाले शव भएको ठाउँबाट खाल्डो वा चितामा राख्नेसम्मको काम गर्दै आएको छ ।