धनुषा – छुरा प्रहार गरी एक जनाको हत्या गरेको छ । मिथिला बिहारी नगरपालिका–१० ठेरा बस्ने ६० वर्षीय रामवरण शर्माको हत्या भएको हो ।

हत्या कसले गर्यो भन्नेबारे थाहा हुन सकेको छैन । 

आइतबार बेलुका सवा ८ बजे तारापट्टि बजारबाट घर फर्कँदै गरेको बेला कचुरी नजिकै मोटरसाइकलमा आएका २ जना अपरिचित व्यक्तिले शर्माको घाँटीमा छुरा प्रहार गरी भागेका थिए ।

छुरा प्रहारबाट गम्भीर घाइते शर्माको उपचारका लागि जनकपुर अञ्चल अस्पताल ल्याउँदै गर्दा ज्यान गएको धनुषाका प्रहरी उपरीक्षक (एसपी) शेखर खनालले जानकारी दिनुभयो ।

घटना विषयमा थप अनुसन्धान भइरहेको र हत्याराको खोजी भइरहेको उपरीक्षक खनालले बताउनुभयो ।