वागीश्वरीमा हठयोग साधना

Surya Baral

 |  प्रकासित मिति : २८ बैशाख २०७६, शनिबार ०९:२२

चितवन । भरतपुर महानगरपालिका वडानं. १ वागीश्वरी स्थित योगी नरहरिनाथ योग तथा प्राकृतिक चिकित्सालयमा यहि मिति २०७६÷०१÷२९ गते आईतवार देखि १ महिने हठयोग शाधना शिवीर आयोजन गरिने भएको छ । २०औैं सताब्दिका प्रशिद्ध योगी स्वामी योगेश्वरानन्द सरस्वतीजी महाराज ज्यूको योग परंम्परामा दिक्षित हुनुभएका योग गुरू श्री अमनदीप सिंह ज्यूले प्रत्यक्षरूपमा दिक्षित गर्नुहुने उक्त शिविर जेठ महिना भरी चल्नेछ । हठयोग साधनाका गुढ विषयहरू आसन, प्राणायाम, क्रिया, बन्ध, मुन्द्रा, ध्यान, आदिको विषयमा सूक्ष्मतम ढंङ्गले शिक्षण गराइने उक्त शिविरको समय विहान ठिक ५ः०० बजे देखि ७ः०० बजे सम्मको रहने छ । साधनाका क्रममा ३०० प्लस आसनहरू, ७५ प्लस प्राणायामहरू, ६ वटा क्रियाहरू र अनेकौ उपक्रियाहरू, १० वटा बन्ध, १० वटा मुन्द्राहरू र सास्वत ध्यान विधिको अध्यास गराइने जनकारी साधना व्यावथापन विभागकी सदस्य कल्पना आचार्यले जानकारी दिनुभयो । साधना शिविर पूणतः शास्त्रीय हुने र यसले साधकलाई असली योग विधिकोे ज्ञान प्राप्तहुने भएकाले गुरू अमनदीप सिंहको शिक्षणत्वमा यो शिवीर आयोजन गरिएको चिकित्सालयका निर्देशक डा. हेमराज कोइरालाले बताउनु भयो ।