चितवनले विकासमा नयाँ रेकर्ड कायम गर्दै : प्रचण्ड
Surya Baral
चितवन, चैत २८ /नेपाल कम्युनिस्ट पार्टीका अध्यक्ष तथा पूर्वप्रधानमन्त्री पुष्पकमल दाहाल प्रचण्डले चितवनले देश बिकासमा एकपछी अर्को नयाँ रेर्कड कायम गर्दै गईरहेको बताएका छन् ।
भरतपुर महानगरपालिका–४ लंकूमा बनेको जेम्स वर्ल्ड फन पार्कको उद्घाटन गर्दै अध्यक्ष प्रचण्डले यस्तो बताएका हुन् । पूर्वप्रधानमन्त्री प्रचण्ड र नेपाली कांग्रेसका महामन्त्री शशांक कोइरालाले सोही अवसरमा संयुक्तरुपमा रिबन काटेर फन पार्कको औपचारिक उद्घाटन तथा ताम्रपत्रको अनावरण गरेका थिए ।
कार्यक्रममा अध्यक्ष प्रचण्डले जेम्स वर्ल्ड फन पार्क जस्तो नेपालकै ठूलो फन पार्क स्थापना भएपछि चितवनले विकासमा नयाँ रेकर्ड कायम गरिरहेको बताएका हुन् । उनले अन्तर्रा्ष्ट्रिय क्रिकेट रंगशालाले जसरी रेकर्ड कायम ग¥यो त्यसरी नै जेम्स वर्ल्ड फन पार्कले पनि नयाँ रेकर्ड बनाएको विचार राखेका थिए । नेकपा अध्यक्ष प्रचण्डले फनपार्क बिशुद्ध फन पार्क मात्र नभएर मानिसहरुलाई मानसिक र शारीरिक स्फूर्ती गराउन पनि महत्वपूर्ण हुने भन्दै फन पार्कको उच्च प्रशंसा गरे । उनले नेपालमा नै विकास र प्रगतिको हजारौ सम्भावनाहरु पनि रहेको भन्दै फन पार्कले विदेशिएका नेपाली युवाहरुलाई पनि देशभित्र नै केही गर्नुपर्छ भन्ने राम्रो सन्देशयो फनपार्कले दिने बताए । कार्यक्रममा उनले देशको आर्थिक विकास र समृद्धि ठूला दलहरुको राजनीतिक सहमतिबाटै सम्भव हुने बताएका छन् ।
देशका ठूला राजनीतिक आन्दोलन र परिवर्तन पनि सबै राजनीतिक दलहरुकै सहमतिबाट भएकोले अबको आर्थिक रुपान्तरणमा पनि सबै दलको सहमति चाहिने प्रचण्डले बताएका छन् । 
कार्यक्रममा नेपाली कांग्रेसका महामन्त्री डा शशांक कोइरालाले आधुनिक फन पार्क रमाइलो मात्र नभइ मानिसको शारीरिक र मानसिक विकासमा पनि सहयोगी हुने विचार राखे । फन पार्कका अध्यक्ष महेश तिवारीको अध्यक्षतामा भएको कार्यक्रममा भरतपुर महानगरपालिकाका प्रमुख प्रशासकिय अधिकृत नेत्र सुवेदी, उद्योग वाणिज्य संघ चितवनका द्वितीय उपाध्यक्ष सुमनकुमार श्रेष्ठ लगाएतले मन्तब्य राखेको सो कार्यक्रममा चितवनका प्रतिनिधिसभाका सांसद कृष्णभक्त पोखरेल, प्रदेश सांसद विजय सुवेदी र गीता वाग्ले, भरतपुर महानगरपालिकाकी मेयर रेनु दाहाल र उपमेयर पार्वती शाहा, चितवनका प्रमुख जिल्ला अधिकारी जितेन्द्रबहादुर बस्नेत लगायत जिल्लाका हरेक सरकारी कार्यालयका उच्च पदस्थ सरकारी अधिकारीहरुको उपस्थिति रहेको थियो ।
फनपार्क्भित्र ३०० वटा मोटरसाइकल र २०० वटा गाडी पार्किङ गर्ने गरी पार्किङ सुविधा उपलब्ध रहेको छ । नेपालकै ठूलो फनपार्कमा नागरिकले मिनी रेल, ट्रयाम्पोलिङ, आउट डोर प्ले ग्राउण्ड, बढी स्लाइड, मल्टी लेन रेसर, पारिवारिक स्लाइडको आनन्दलिन सक्नेछन् । त्यस्तै शाहसिकरुपमा खेलको आनन्द लिन चाहनेहरुलाई फनपार्क्भित्र नै १६५ फिट लामो स्लाइडको व्यवस्था गरिएको छ ।
