चितवनकी बाल गायिका समृद्धिको पारिवारिक प्रेम गीत सार्वजनिक
Surya Baral
चितवन, फागुन ४र चितवनकी ११ वर्षीया बाल गायिका समृद्धि तिमल्सिनाको नयाँ गीत युटुव मार्फत सार्वजनिक गरिएको छ।“भरोसा हौ तिमी मेरो” बोल रहेको गीतमा समृद्धिले स्वर दिएकी छिन्।
गीतमा शब्द बबिता खनालको रहेको छ भने चक्रपाणि तिमल्सिनाले संगीत भरेका छन्। बबिता खनाल समृद्धिको आम हुन् भने चक्रपाणि तिमल्सिना उनको बुबा हुन् ।
समृद्धिको पहिलो गीत “माथि माथि हिउँचुली” को चर्चा पश्चात निस्कीएको दोस्रो गीतमा साहस शाक्यले संगीत संयोजन गरेका छन्।
अकष्टिक नेपाल काठमाडौंमा रेकर्ड गरिएको गीतका रेकर्डिस्ट अजय सिंह कार्की हुन्। ध्वनी सम्पादन तथा मास्टरिङ चन्द्र चौधरीले गरेका छन्।
गीतले परिवारमा नानी बाबुहरुको भरोसा र खुसी बाबु आमा र अभिभावक हुन् भन्ने सन्देश बोकेको छ। परिवारको मायाँ र साथ पाएमा बालबालिकाहरु खुसी हुन सक्छन् भन्ने आसय छ।
गीतको लिरिकल भिडियो सिनेमा क्रु नेपालले प्रस्तुत गरेको छ । भिडियोको सम्पादन किशोर खनालले गरेका छन्।
