बैंकमा सधैँ न्यून नगद, उच्च ब्याज
पत्रपत्रिकाबाट
काठमाडौं/ वाणिज्य बैंकहरूको निक्षेप तथा पुँजीमा कर्जाको अनुपात (सिसिडी रेसियो) तोकिएको सीमानजिक पुगेको छ ।
अहिले सरदर सिसिडी रेसियो ७७/२५ को हाराहारीमा रहेको केन्द्रीय बैंकका कार्यकारी निर्देशक तथा बैंक सुपरिवेक्षण विभाग प्रमुख महेश्वरलाल श्रेष्ठले जानकारी दिए ।
यद्यपि, दर्जनभन्दा बढी बैंकको सिसिडी रेसियो ७९ को हाराहारीमा छ, केही बैंकले ८०५ को सीमारेखा पार गरिसकेका छन्, तर उनीहरूको बारेमा राष्ट्र बैंकले जानकारी दिन चाहेन । ‘सिसिडी रेसियो पालना नगरेको भन्दै केही महिनाअघि तीन बैंकलाई जरिवानासमेत गरिएको थियो,’ राष्ट्र बैंकका एक अधिकारीले भने, ‘अहिले पनि केही बैंकको सिसिडी रेसियाले सीमा नाघिसकेको छ ।’
बैंकले पुँजी र निक्षेपको ८०५ सम्म लगानी गर्न सक्छन् तर लक्ष्मणरेखा छुने अवस्थामा भएकाले कर्जाप्रवाहमा समस्या देखिएको छ । यो खबर नयाँ पत्रिका दैनिकमा विस्तृतमा छापिएको छ ।
