बसको ठक्करबाट मोटरसाइकल चालकको ज्यान गयो ।

Surya Baral

 |  प्रकासित मिति : २१ पुस २०७५, शनिबार ११:०६

चितवन , २१ पौष । चितवनको नारायणगढमा गएराती बसले मोटरसाइकललाई ठक्कर दिँदा एक जनाको मृत्यु भएको छ । जिल्ला प्रहरी कार्यालय चितवनले दिएको जानकारी अनुसार वीरगञ्जबाट नारायणगढतर्फ जाँदै गरेको ना।५।ख। ५०६० नम्बरको बसले बिपरीत दिशाबाट आउँदै गरेको बा।४०।प। ९२०६ नम्बरको मोटरसाइकललाई ठक्कर दिदा भरतपुर महानगरपालिका–२ बस्ने ४४ वर्षीय रवीन्द्र रिजालको ज्यान गएको हो । बसको ठक्करबाट गम्भीर घाइते भएका रिजालको उपचारका क्रममा भरतपुर अस्पतालमा मृत्यु भएको प्रहरीले बताएको छ । मोटरसाइकललाई ठक्कर दिने बस र चालक प्रहरी नियन्त्रणमा रहेको चितवन प्रहरीले जनाएको छ ।