चितवनमा जल्यो बाइबल, धर्म परिवर्तन बन्द गर्न माग ।

Surya Baral

 |  प्रकासित मिति : १० पुस २०७५, मंगलवार १३:१७

चितवन । चितवनमा हिन्दूवादीहरुले धर्म परिवर्तन रोक्न माग गर्दै मंगलबार क्रिसमसको दिनमा बाइबल जलाएका छन् ।
हिन्दू जागरण नेपालले गरेको कार्यक्रममा हिन्दू धर्म रक्षाको माग गर्दै भरतपुरको चौबिसकोठीमा उनीहरुले बाइबल जलाएका हुन् । उनीहरुले धर्म निरपेक्षता बन्द गर, गौ हत्या बन्द गर, धर्म परिवर्तन बन्द गर लगायतका नारा लगाउदैंै प्रदर्शन गरेका थिए । उनीहरुले नेपालको मौलिक धर्म संस्कार संस्कृतिको संरक्षण गरौं, देशको विविधतालाई नष्ट हुनबाट जोगाऔं भन्दै नारायणगढको पोखरा बसपार्कबाट पुलचोक हुँदै चौबिसकोठी सम्म रेली निकालेका थिए । रेली चौबिसकोठीमा आएर कोणसभामा परिणत भएको थियो । कोणसभालाई हिन्दू जागरण नेपाल चितवनका अध्यक्ष निरज शर्मा काफ्लेले सम्बोधन गरेका थिए ।