आइजी खनालको निर्देशन : आफू पनि राम्रो बन्नुस, मातहतलाई पनि राम्रो बनाउनुस
Surya Baral
काठमाडौँ( प्रहरी महानिरीक्षक सर्वेन्द्र खनालले मातहतका प्रहरीलाई सुधार गर्न र आफू पनि राम्रो बन्न वरिष्ठ प्रहरी अधिकारीलाई निर्देशन दिएका छन्।
प्रहरी नायब महानिरीक्षक(डीआईजीमा बढुवा भएका प्रहरी अधिकारीलाई बिहीबार हेडर्क्वाटर बोलाएर खनालले त्यस्तो निर्देशन दिएका हुन्। अपराध अनुसन्धानमा लापरबाही तथा आचरण विपरित क्रियाकलापमा प्रहरीको संलग्नता बढ्न थालेपछि खनाल पछिल्लो समय दबाबमा छन्।
हरेक व्यक्तिको काम गर्ने शैली र प्रकृति फरक भएपनि संगठनको मूलभूत उद्देश्य र चाहना अनुरुप कार्य गर्नुपर्ने बताउँदै खनालले संगठनमा कुनै पनि सदस्य नराम्रो रुपमा लाञ्छित हुन नपरोस् भन्ने संगठनको चाहना रहेको बताए। वरिष्ठ प्रहरी अधिकृतहरुले आफू मात्र होइन मातहतका सम्पूर्ण प्रहरी कर्मचारीहरुलाई अझै राम्रा बनाउन खरो रुपमा उत्रन उनको निर्देशन थियो।
