चितवन , १६ असोज । फेसबुक भनेको सूचना आदानप्रदानका रूपमा लिइन्छ । तर, चितवनमा एक युवकले उनै फेसबुक मार्फत आफ्नो प्राण त्याग गरेको घोषणा औपचारिक रूपमा गरेका छन् ।  रातीको अन्दाजी साँढे नौ बजे आत्महत्या गर्ने घोषणा गरेका पुर्वी चितवनको कालिका नगरपालिकाका बर्ष २६ को युवक निश्चल तामाङले रातीको एक बजे आफ्ना साथीहरूलाई फेस्बुक लाइभ देखाइ आत्महत्या गरेका हुन् । बिहान करिब १ बजे बुबा जीवन तामाङलाइ छोराको कोठामा गएर हेर्नु त अंकल भनेर छोराका साथीहरूले कराउन थालेपछि  उनी छोराको कोठामा पुगेका थिए । तर, कोठामा पुग्दा छोरा झुन्डिएको अवस्थामा देखेँको उनलेे बताए ।’ ‘म निद्रामा थिएँ । मोबाइलमा धेरै कल आएछ थाहा पाइनँ । सदा झैँ आइतबार राति पनि निश्चलको कोठाबाट गुनगुन आवाज आइरहेको थियो । घरमा बुवाआमा, काकाकाकी, हजुरबा आफ्नै धुन र निन्द्रामा मस्त थिए । बाबुले निश्चलको अङ्ग्रेजी बोली सुने तर बुझेनन् । उनलाई लाग्यो कोही साथीभाइहरुसँग कुराकानी गरिरहेको छ होला । तर, खासमा उनी फेसबुकमा लाइभ गर्दै थिए । ‘उसको एक जना विदेशी साथी थियो । घरमा पनि एकपटक आएको थियो । ऊसँग बोल्दा अङ्ग्रेजीमा नै बोल्थ्यो। साथीसँग नै बोल्दै होला भन्ने लाग्यो,’ बुवा जीवन तामाङका अनुसार निश्चल एक लागू औषध सेवनकर्ता पनि थिए । उनको यो कुलत हटाउन तीन महिना अगाडि सानिमाले काठमाडौँस्थित एक सुधार केन्द्रमा लगेर राखेकी थिइन् । उनी भन्छन्, ‘सुधार केन्द्रबाट फर्किएपछि केही ठीक भएको थियो । १५ दिन अगाडि मात्र फेरि काठमाडौँ गएको थियो । फर्केर आउँदा उस्तै भएछ ।’ चार-पाँच दिनदेखि छोरा कोठामा एक्लै बस्ने र बाहिरसमेत ननिस्कने गरेको उनी बताउँछन् । छोराले आत्महत्या गरेको देखेपछि कोठामा पुगेका बुबाले तत्काल प्रहरीलाई फोन गरेका थिए। जुटपानीमा रहेको प्रहरी चौकीबाट सईको कमान्ड टोली तुरुन्तै घटनास्थल पुगेको थियो । चौकीका सई शम्भु चौधरी सहितको टोली त्यहाँ पुग्दा निश्चलले आत्महत्या गरिरसकेका थिए । चौधरीले भने,’ मोबाइलबाट फेसबुक लाइभ गरी आत्महत्या गरेका रहेछन् ।’ प्रहरी घट्नास्थलमा पुग्दा कोठामा फोन र रक्सीको बोतल मात्रै थियो । फेसबुकले झुण्डिएको अन्तिम भिडियो भने उनको प्रोफाइलबाट हटाइसकेको जनाएको छ ।