रत्ननगरमा चोरीका घट्ना सार्वजनिक हुने क्रम बढ्यो

प्रहरी मौन

प्रनिश थापा

 |  प्रकासित मिति : २४ भाद्र २०७५, आईतवार १३:१५

चितवन , २४ भाद्र । पुर्वीचितवनको रत्ननगरमा पछिल्लो दुइ सातायता शृंङ्खलाबद्ध रूपमा चोरीका घट्ना बढेको पाइएको छ । विशेष गरेर रत्ननगरको टाँडी बजार , दुई नम्बर रोड लगायत क्षेत्रहरुमा दिनदहाँडै चोरीका घट्नाहरु सार्वजनिक भइरहेका छन् । एकपछि अर्को गर्दै दैनिकीजसो औसद मात्रामा तीनदेखी पाँच वटा सम्म चोरीका घट्ना सार्वजनिक हुँदा समेत रत्ननगर प्रहरी रमिते बनेका छन् । चोरीलाइ नियन्त्रण लिनु , शान्तिसुरक्षालाई सुस्ब्याबस्था पार्नु , नागरिकमा अमन चैंन स्थापित गर्नु नै प्रहरीको दायित्व हो । तर, प्रहरी यहीँ चुकेका छन् । दैनिकजसो यस क्षेत्रमा चोरीका घट्ना बढिरहेको अवस्थामा समेत शान्तिसुरक्षालाइ नियन्त्रणमा लिन इलाका प्रहरी कार्यालय रत्ननगर असफल भएको स्पष्ट हुन्छ । प्रहरीले सुरक्षा दिन नसकेकोमा यहाँका स्थानीयबासिन्दा रुष्ट छन् । ललितपुरबाट सरुवा भइ ईलाका प्रहरी कार्यालय रत्ननगर आएका डिएसपी दयानिधी ज्ञवालीले एक कार्यक्रमस्थलमा चोरीका घट्ना नियन्त्रणमा लिने उद्घघोष समेत ब्यक्त गरेका थिए । सो, क्रममा उनले अपराधीक गतिविधिलाई पुर्णतः नियन्त्रणमा लिएरै छाड्ने समेत दाबी गरेका थिए । सञ्चारकर्मी संग कुरा गर्दै भाद्र एक गतेदेखि छुट्टै क्राइम टोली खडा गरेर अपराधीक गतिविधीलाइ नियन्त्रणमा लिने सपना समेत बुनेका थिए । उनको लोभलाग्दो आश्वासनले स्थानीयले केही हदसम्म राहत समेत महशुस गरे । तर, दुर्भाग्य उनले बुनेका त्यो लोभलाग्दो प्रतिबद्धता बोली मै सिमित हुँदा स्थानीयमा निराशा छाएको छ । रत्ननगरमा असक्ष्म कार्यालय प्रमुख आएको स्थानीयको बुझाइ छ । उनी रत्ननगर आएलगत्तै चोरीका घट्नाहरु भटाभट सार्वजनिक हुँदै जानू ले उनको नेतृत्व असफल रहेको पुष्टि हुन आउँछ । यद्यपि , उनको पृष्ठभुमी समेत त्यति राम्रो छैनन् । ललितपुरमा प्रहरी प्रमुख हुँदा गाँजा ब्यापारीसंँग दुई लाख रुपैयाँ घुस लिएको आरोपमा अख्तियार दुरुपयोग अनुसन्धान आयोगले उनलाई रंगेहात पक्राउ गरेको थियो । सो, क्रममा उनले अदालतमा पुनरावलोकन गरेपछि पुनः मुद्दा जितेर सेवामै फर्किएका थिए ।

कहाँ कहाँ भए चोरी रु
अहिलेसम्म यहाँको एक दर्जनभन्दा बढी स्थानहरुमा चोरी भएका छन् । सबैभन्दा बढी चोरीका घट्ना रत्ननगरको चेम्बरमार्गमा भएको पाइएको छ । सामुदायिक प्रहरी सेवा केन्द्र नजीककै रहेको यस स्थानमा धेरै चोरीका प्रयास र घट्ना भएका छन् । घर भित्रै पसेर चोरले दराज समेत फुटाएका छन् । शिव परियार स्थानीयको घर भित्रै पसेर चोरले दराजबाट तिलरी चोरेर फरार भए । बिहान अन्दाजी साँढे ६ बजेको समयमा चोरले सामान चोरेर फरार भएका हुन् । त्यस्तै, यहाँको चोरी हुने दोस्रो स्थानमा सिएसइ टाँडी परेको छ । त्यहाँ अध्ययन गर्न आउने विद्यार्थीको दिउँसै साइकल चोरी भएपछि विद्यार्थी पैदले घर जान बाध्य हुन्छन् । त्यस्तै, कार्यालयको नाममा रहेको एक मोटरसाइकल समेत यसै स्थानबाट चोरी भएको छ । इश्वर खड्काले आफ्नु घर अगाडि राखेको कार्यालयको मोटरसाइकल अज्ञात समूहले बिहानैको समयमा चोरी गरेका हुन् । प्रबिणराज अधिकारीद्वारा सञ्चालनमा ल्याएको उज्ज्वल फ्रेस हाउसमा समेत पटकपटक चोरीको प्रयास भएको छ । यद्यपि , त्यहाँ बाट भने चोरले चोरी भने गरेका छैनन् । रायश पासवानद्वारा सञ्चालित मोबाईल पसलमा समेत ग्राहकले बनाउन ल्याएको मोबाईल र नगद २० हजार रुपैयाँ चोरी भएको छ । फ्लिम हल एरियामा रहेको एक सुन पसलमा समेत ग्राहकको मोबाईल र नगद सहितको पर्स चोरी भएको छ । यी त बाहिरिएका केही उदाहरण मात्रै हुन् । चोरहरुले चोरीको समेत कार्यतालिका नै सार्वजनिक गरेको छ । राती नचोर्ने र बिहान मात्रै चोर्ने चोरहरुले चमत्कार नै गर्ने गरेका छन् । अहिलेसम्म भएको यी चोरीमा बिहान र दिउँसो मात्रै भएको पाइएको छ । चोरीका विभिन्न घट्नाहरु सार्वजनिक भएकोमा नियन्त्रणमा भने कुनै चोरहरु अहिलेसम्म आउन सकेका छैनन् भने अपराधीक गतिविधिमा समेत कमी नआएको स्थानीयबासिन्दा बताउँछन् ।