चितवनमा भएको छुट्टाछुट्टै सवारी दुर्घटनामा दुई जनाको मृत्यु ।

मोटरसाइकल दुर्घटनामा एकको मृत्यु ।

प्रनिश थापा

 |  प्रकासित मिति : ४ असार २०७५, सोमबार ०८:४८

चितवन , ४ असार । नारायणगढ मुग्लिङ्ग सडकखण्ड अन्तर्गत चितवनको इच्छाकामना गाउँपालिका ५ स्थित २ नम्बर पुल नजिकै कालीखोलामा आइतबार राती ९ः३० बजे ढुंगा खसेर ट्रकमा लाग्दा ट्रक चालकको घट्नास्थलमै मृत्यु भएको छ । जिल्ला प्रहरी कार्यालय चितवनले दिएको जानकारी अनुसार मृत्यु हुनेमा नारायणगढबाट मुग्लिङ्गतर्फ जाँदै गरेको ग । १ । ख । ८२२८ नम्बरको ट्रकका चालक तनहुँ सुक्लागण्डकी नगरपालिका बस्ने ३६ वर्षीय कृष्ण ढुंगाना रहेको इलाका प्रहरी कार्यालय मुग्लिङ्गले जनाएको छ । साथै , सोही ट्रकसंँग ना । ६ । ख । ५२ १६ नम्बरको ट्रक र पछाडीबाट ना । ४ । ख । ४६५६ नम्बरको बोलेरो गाडी पनि ठोक्किएको छ । घाइतेहरुको उद्धार कार्य जारी रहेको प्रहरीले जनाएको छ । वर्षात्सँगै पछिल्लो समयमा सो सडकमा पहिरो र ढुंगा खस्ने क्रम जारी छ ।

मोटरसाइकल दुर्घटनामा एकको मृत्यु ।
यस्तै , भरतपुर महानगरपालिका–६ देवनगरको सडकमा अनियन्त्रित भई ना २१ प ७१८४ मोटरसाइकल आफैं दुर्घटना हुँदा एक युवकको मृत्यु भएको छ । आइतबार राती पौने दस बजे भएको उक्त दुर्घटनामा गम्भीर घाइते भई त्यस्को ठिक एक घण्टापछि मोटरसाइकल चालक भरतपुर महानगरपालिका–१५ फूलबारीका विकास विकको ज्यान गएको प्रहरीले जनाएको छ ।