चितवनको घुमाउनेमा भारतीय ट्रक दुर्घटना हुँदा एकको मृत्यु

प्रनिश थापा

 |  प्रकासित मिति : १० फाल्गुन २०७४, बिहीबार ०५:५१

चितवन १० फागुन । नारायणगढ–मुग्लिङ्ग सडकखण्ड अन्तर्गत चितवनको घुमाउनेमा भारतीय ट्रक दुर्घटना हुँदा एक जनाको मृत्यु भएको छ । जिल्ला प्रहरी कार्यालय चितवनका अनुसार सुनौलीबाट काठमाडौँ जाँदै गरेको बिआर ३२ बीएन ३१०९ नम्बरको भारतीय ट्रक ओभरटेक गर्ने क्रममा भरतपुर महानगरपालिका–२९ स्थित घुमाउनेमा आज बिहान ३ः५० बजेको समयमा सो दुर्घटना भएको हो । दुर्घटना पश्चात् सो, ट्रक सडकबाट ५० मिटर तल खसेको थियो । दुर्घटना लगत्तै घट्नास्थलमै एक जनाको मृत्यु भएको छ, उनको सनाखत अझै भैसकेको छैनन् । सोही , दुर्घटनामा परि अन्य २ जना घाइते भएका छन् । घाइतेलाई उपचारका लागि भरतपुर ल्याइएको चितवन प्रहरीले जनाएको छ ।