ढुक्क भएर मतदान गर्न नर्वाचन आयोगको अपील

Surya Baral

 |  प्रकासित मिति : १३ असार २०७४, मंगलवार १०:५२

काठमाडौं  असार १३ –

निर्वाचन आयोगले बुधवार हुने स्थानीय तहको दोस्रो चरणको निर्वाचनको सम्पूर्ण तयारी पुरा भएको जनाएको छ । आयोगले सम्पूर्ण मतदाताहरुलाई ढुक्क भएर मतदानमा सहभागी हुन अपील समेत गरेको छ ।

आज, मंगलवार पत्रकार सम्मेलनको आयोजना गरी आयोगले मतदानका लागि शान्ति सुरक्षाको प्रवन्ध गरिएको जनाएको हो ।

पत्रकार सम्मेलनमा प्रमुख निर्वाचन आयुक्त डा अयोधी यादवले मतदानको सम्पूर्ण तयारी पूरा भएको बताए । उनले आफ्नो मताधिकारको प्रयोग गर्न सबैसंग अपील गरे ।
दोस्रो तहको निर्वाचन हुने प्रदेश नम्बर १, ५ र ७ मा भोलि बुधवार विहान ७ बजेदेखि बेलुका पाँच बजेसम्म मतदान हुनेछ ।